Veles: Propozohet shpërndarja e qeseve për pastrimin e jashtëqitjeve nga karrocat me kalë
Kryetari i komunës thotë se gjobat nuk sjellin rezultat dhe propozon që komuna të blejë dhe të ndajë qese për pronarët e karrocave.
Banorët e Velesit shpesh ankohen për jashtëqitjet që mbeten në rrugët e qytetit nga karrocat me kalë, dhe çështja u ngrit sërish në seancë të Këshillit komunal nga këshilltarja Mirjana Petrushevska-Savova.
"Mbeturinat nga karrocat me kalë janë një problem serioz në qytet. Ka në rrugët që gravitojnë drejt Tregut të Qytetit, por edhe në rrugët e tjera ku përdoren këto karroca tradicionale. Pronaret duhet të përgjigjen, që mbeturinat të mos përfundojnë në rrugë. Kështu bëhet në botë; jemi në shekullin e 21-të," tha Petrushevska-Savova.
Vendimi i shtatorit 2016 ende në fuqi
Këshilli komunal në shtator 2016, para dhjetë vjetësh, miratoi një vendim që obligon personat që drejtin karroca me kalë ose çojnë të kafshët përmes qytetit të mbajnë pajisje higjienike: qese, fshesë dhe lopatë të vogël për pastrimin e mbetjeve shtazore gjatë lëvizjes.
Kryetari i komunës, Marko Kolev, tha se rregullat ekzistojnë, por gjobat nuk ndikojnë shumë sepse shumë pronarë nuk kanë as letërnjoftim e as pasuri të regjistruara. "Ne kemi vendim të Këshillit. Ai që përdor kalë, gomar në qytet, duhet ta respektojë. Pasi policia për kundravajtje rrugore filloi të konfiskojë automjetet, këto kafshë të shoqëruara u kthyen në trafikun e qytetit. Ka gjithnjë e më shumë. Unë jap urdhëra me shkrim dhe gojarisht për inspektorin komunal që del në terren, i edukon ata, i kontakton, i lut, i informon për obligimet që kanë. Dhe i gjobit. Ajo gjobë nuk vepron, ata nuk kanë as letërnjoftim as pasuri. Mbete për ne si autoritet lokal t'i blejmë ato qese dhe t'i shpërndajmë tek pronarët," tha kryetari i komunës Marko Kolev.
Teksti i vendimit parashikon gjithashtu se nëse në hapësirat publike krijohet mbeturinë nga bagëtia, personi që e drejton karrocen ose kafshën është i detyruar ta largojë atë nga vendi ku është krijuar; përndryshe, shërbimi komunal JKP "Derven" do ta largojë në shpenzë të personit përgjegjës. Parashikohen edhe gjoba mandatore për shkelësit.
Foto: SDK.MK)
