Државниот пазарен инспекторат за една недела наплати над 3,4 милиони денари

Во периодот од 07.09.2026 до 13.09.2026 година Државниот пазарен инспекторат изврши 410 надзори низ целата територија на Република Северна Македонија и издаде 119 прекршочни платни налози во вкупна вредност од 3.479.150 денари.

Податоци по закони

Надзори и издадени платни налози се евидентирани според следните закони:

• Закон за трговија: извршени 85 надзори, издадени 20 прекршочни платни налози;
• Закон за заштита од пушење: извршени 17 надзори, издадени 6 прекршочни платни налози;
• Закон за угостителска дејност: извршени 41 надзор, издадени 22 прекршочни платни налози;
• Закон за заштита на потрошувачи: извршени 32 надзори, не се издадени прекршочни платни налози;
• Закон за занаетчиство: извршени 33 надзори, издаден е 1 прекршочен платен налог;
• Закон за финансиска дисциплина: извршени 97 надзори, издадени 53 прекршочни платни налози;
• Закон за забрана и спречување на вршење на нерегистрирана дејност: извршени 22 надзори, не се издадени прекршочни платни налози;
• Закон за техничките барања за производите и оцена на сообразност: извршени 7 надзори, не се издадени прекршочни платни налози;
• Закон за метрологија: извршени 14 надзори, издадени 6 прекршочни платни налози;
• Закон за градежните производи: извршени 14 надзори, не се издадени прекршочни платни налози;
• Закон за Државен пазарен инспекторат: извршени 6 надзори, не се издадени прекршочни платни налози;
• Закон за општа безбедност на производите: извршени 5 надзори, не се издадени прекршочни платни налози;
• Закон за туристичка дејност: извршени 6 надзори, не се издадени прекршочни платни налози.

„Изречени се 15 опомени, врз основа на кои во наредниот период ќе бидат извршени контролни надзори во согласност со закон.

Државниот пазарен инспекторат врши континуирани инспекциски надзори во рамките на своите надлежности со сите распорложиви ресурси, за тековно постапување и спроведување на законските регулативи. Државниот пазарен инспекторат постапува во согласност со законите и годишниот и месечен план за работа. Дополнително, покрај редовните надзори, постапува и по пријави доставени од граѓаните и други институции согласно законската регулатива“, соопштија од ДПИ.

Инспекцијата нагласи дека надзорот се спроведува како дел од редовните месечни и годишни програми, но и врз основа на пријави од граѓани и други институции.

Фото: МИА