ФФМ со информација за билетите за натпреварот со Шкотска
Продажбата ќе се одвива преку официјалната платформа на Шкотската фудбалска асоцијација; за македонските навивачи е отворен сектор А2 со 539 места.
Фудбалската федерација на Македонија (ФФМ) ги известува навивачите дека продажбата на билети за натпреварот Шкотска – Македонија во рамки на УЕФА Лигата на нации ќе се реализира исклучиво преку официјалната онлајн платформа на Шкотската фудбалска асоцијација.
Како да се купи билет
При купување на билетите, задолжително е внесување на промотивниот код MACEDONIA_26. Платформата на Шкотската асоцијација е единствениот канал преку кој може да се набават влезници за овој меч.
За македонските навивачи првично е резервиран секторот А2 на западната трибина, со капацитет од 539 седишта. Продавањето ќе се следи во текот на продажниот период и доколку постои потреба ќе биде отворен и секторот А3, со дополнителни 860 места.
Натпреварот е закажан за 13 ноември 2026 година со почеток во 20:45 часот по македонско време (локално 19:45), на стадионот „Хемпден парк“ (Barclays Hampden) во Глазгов.
ФФМ ги повикува сите навивачи кои ќе го следат тимот во Глазгов навремено да ги обезбедат своите билети преку официјалната платформа и да ја поддржат репрезентацијата на гостувањето.
Фото: прес-материјал од настанот
