Venko Filipche: Qytetarët të vendosin me referendum nëse duan miniera pranë shtëpive të tyre

Kryetari i SDSM-së, Venko Filipche, iu bëri thirrje qytetarëve që t'u jepet e drejta të vendosin me referendum nëse duan që miniera të ndërtohen afër shtëpive të tyre, pas prezantimit nga Kryeministri Hristijan Mickoski nga Uashingtoni i minierës së paralajmëruar për nxjerrje antimoni pranë Kriva Pallankës si një projekt strategjik me Shtetet e Bashkuara.

Filipche: Vendimmarrja duhet t’u takojë komuniteteve lokale

Filipche tha në një konferencë për shtyp se pasuritë kombëtare nuk janë pronë private e ndonjë politikani dhe se për çështje të tilla duhet të dëgjohet zëri i qytetarëve. Ai akuzoi kryeministrin se po përgatit shiturjen e vendit duke promovuar projekte minierash pa pyetur komunitetet e prekura.

"Kryeministri Hristijan Mickoski njofton shitjen e vendit. Për mua dje e dëgjova, thotë se ne kemi qenë të pasur me miniera, duke shpresuar t'i tërheqë investitorët që këtu do të ndërtojnë miniera. Dua t'i them qartë dhe zëshëm — ai nuk ka të drejtë t'i shesë pasuritë kombëtare. Së pari, për minierat duhet të pyeten qytetarët," tha Filipche në konferencën për shtyp.

Ai theksoi se e drejta e qytetarëve të vendosin drejtpërdrejt nëse në zonën e tyre të afërt do të ketë miniera është veçanërisht e rëndësishme duke parë problemet ekzistuese me cilësinë dhe sigurinë e ujit në disa vende të vendit. Kush do ta garantojë, tha Filipche, që nxjerrja e antimonit do të jetë e sigurt dhe që antimoni në të ardhmen të mos përfundojë në ujë.

"Kryeministri nuk ka të drejtë, kur tani ka një debakël të plotë në fushën e politikave ekonomike, të mendojë që mund ta shesë vendin. Kjo nuk është pronë e tij private. Vetëm sepse ai aktualisht udhëheq Qeverinë nuk do të thotë se duhet të disponojë pasuritë kombëtare të vendit për t'u shpëtuar nga politikat e këqija ekonomike. Qytetarët në mjediset ku jetojnë duhet të shprehen në referendum nëse duan ose jo që minierat të ndërtohen afër vendeve të tyre të banimit," shtoi ai.

Filipche kritikoi gjithashtu njoftimet për ndërtimin e qendrave të të dhënave, duke akuzuar se autoritetet i rregullojnë ato për interesa të tyre private biznesi. Ai tha se si parti nuk janë kundër përparimit teknologjik të shtetit, por janë kundër interesave private të biznesit të qeverisë dhe të kryeministrit që dëmtojnë qytetarët.

Foto: SDSM