Фински суд осуди руски капетан и член на екипаж за оштетување на подморски кабли

Окружниот суд во Хелсинки денеска донесе пресуда со која рускиот капетан и еден член на екипажот на товарниот брод „Фитбург“ добија затворски казни за намерано оштетување на два подморски телекомуникациски кабли во Финскиот Залив минатата година.

Капетанот е осуден на три години и шест месеци затвор, а членот на екипажот, кој е од Азербејџан, на две години и десет месеци. Судот утврдил дека бродот го влечел синџирот на сидрото и сидрото по морското дно на должина од околу 130 километри и дека тоа го направиле намерно.

Заплена, жалби и финансиска одговорност

Финските власти го заплениле бродот на 31 декември 2025 година додека пловел од Русија кон Израел, по сомневања дека ги оштетил каблите што го поврзуваат Хелсинки со Естонија. Обвинетите остануваат во Финска под забрана за патување и ја негираат вината, како и надлежноста на земјата во овој случај.

Според пресудата, судот им наложил на двајцата обвинети да поделат штета од околу 1,9 милиони евра, а на капетанот му било наредено да плати дополнителни околу 85.000 евра. Адвокатите изјавија дека капетанот ќе поднесе жалба, додека членот на екипажот сè уште не одлучил.

По серијата инциденти кои ги таргетираат каблите и цевководите во Балтичкото Море од 2022 година, Финска ги зајакна мерките за заштита на својата подморска инфраструктура, а случајот „Фитбург“ е еден од највисоко профилираните судски процеси поврзани со тие настани.

Фото: прес-материјал од настанот