Генерал Џавани: САД направија стратешка грешка со убиството на ајатолахот Али Хамнеи
Јадолах Џавани вели дека Вашингтон ја потценил сплотеноста на Иран и дека долгогодишниот притисок бил неуспешен поради решителниот одговор на Техеран.
Генералот на Корпусот на Исламската револуционерна гарда, Јадолах Џавани, изјави дека Соединетите Американски Држави направиле стратешка грешка со претпоставката дека иранското раководство ќе се распадне по атентатот врз претходниот ајатолах и лидер на Иран, Али Хамнеи.
По негови зборови, Вашингтон погрешно ја проценил стабилноста на Иран и дека проценката на САД не ја одразува „реалноста на иранското општество“.
Џавани додаде дека притисокот од САД е постојан и датира уште од пред претседателствувањето на Доналд Трамп, но дека тие напори не уродиле со плод поради „упорноста и решителниот одговор“ на Иран.
Реакции на американското раководство
Трамп претходно рече дека САД „можеби отишле предалеку“ во нападите врз иранското раководство, велејќи дека Вашингтон сега има потешкотии да утврди со кого може да преговара. „Можеби отидовме предалеку со лидерите затоа што повеќе не знаеме со кого, по ѓаволите, имаме работа“, рече Трамп на предизборен митинг во Јангстаун, Охајо.
„Никој не сака да биде претседател на Иран“, рече Трамп, тврдејќи дека потенцијалните кандидати не се подготвени да ја преземат функцијата.
Масуд Пезешкијан е претседател на Иран од јули 2024 година.
Фото: прес-материјал од настанот
