Гори на Шар Планина кај Лешница, интервенираа противпожарни авиони

На Шар Планина, во реонот на Лешница близу Тетово, избувна пожар што го активира интервенциското делување на противпожарните служби и Центарот за управување со кризи (ЦУК). Директорот Мухамет Али веднаш излезе на терен за да ги координира активностите.

Интервенција со авиони и теренски екипи

„Во целосна координација со сите надлежни институции, на терен интервенираа два авиона на Дирекцијата за заштита и спасување, како и екипите на Територијалната противпожарна единица-Тетово, кои работеа непрекинато и со максимална посветеност. Благодарение на брзата, професионална реакција и координацијата на сите надлежни служби, пожарот е локализиран, а екипите остануваат на терен за следење на состојбата и целосно гаснење на преостанатите жаришта, со цел да не дојде до негово повторно активирање“, се вели во соопштението.

Од ЦУК потсетија дека двата противпожарни авиона и теренските екипи од Тетово работеле интензивно за брзо ограничување на огништето. Според соопштението, пожарот е локализиран, но службите остануваат на терен за следење и целосно гасење на преостанатите жаришта.

Мухамет Али апелира до сите граѓани во наредните денови да бидат максимално внимателни, да не палат оган на отворен простор и секоја појава на чад или пожар веднаш да ја пријават на единствениот број за итни случаи 112.

Надлежните наведуваат дека ќе продолжат да ја следат состојбата на терен и ќе преземат дополнителни мерки доколку е потребно за да се спречи повторно активирање на пожарот.

Фото: МИА / архива / илустрација