Како да ги спречите и лекувате плускавците од сандали

Непријатен плускавец по прошетка со омилените или нови сандали може брзо да ви го расипе денот: од почетно триење и црвенило, преку болка, до појава на меурче наполнето со течност. Причината најчесто е директното триење на кожата од материјалот на обвувката, а топлината и потењето ја омекнуваат кожата и ја прават подложна на оштетување.

Што да правите ако плускавецот веќе се појавил

Ако веќе имате меурче, најпаметно е да не го пукате, освен ако болката е толку силна што не може да се издржи. Во таков случај користете стерилна игла и претходно исчистете ја кожата со антисептик пред да го испразните. Во останатите ситуации оставете го меурчето неоштетено, бидејќи кожата над него го штити подрачјето од можно заразување.

Покријте го местото со стерилна газа или фластер за да го спречите понатамошното триење. Специјалните фластери за плускавци, кои се наоѓаат во речиси секоја аптека, создаваат влажна средина која помага побрзо да заздрави кожата. Употребата на смирувачки креми или гелови со алое вера, камилица или пантенол ја намалува иритацијата и ја забрзува регенерацијата, а редовното мачење на стапалата со хидратантна крема ги одржува меки и поотпорни на триење.

За да спречите повторување, бирајте сандали направени од природни, пропустливи материјали како кожа или платно и избегнувајте груби шевови или метални детали на местата кои допираат до кожата. Кога купувате нови сандали, немојте веднаш да ги носите цел ден: облечете ги дома најмногу по еден час додека ногата и обвувката не се прилагодат.

Одржувањето на стапалата чисти и суви, отстранувањето на вишок загрубена кожа со турпија и употребата на заштитни производи — стикови, пудри или маски за проблематичните точки — го намалуваат ризикот од создавање рани. Меките силиконски перничиња за пети и табани го ублажуваат притисокот и триењето и помагаат при стабилноста, особено кога носите потпетици.

Плускавците не мора да ви го расипуваат летото: со едноставни превентивни мерки и правилна нега можете да ги избегнете и да им се вратите на омилените сандали без болка.

Фото: прес-материјал од настанот