Почетна
Политика

Кој ја донесе Алта банка во Македонија? – сите се обвинуваат меѓу себе

Вреди и ДУИ се обвинуваат за одлуки од 6 јуни 2023, а следат контраобвинувања од ВМРО-ДПМНЕ и СДСМ.

·Политика
Кој ја донесе Алта банка во Македонија? – сите се обвинуваат меѓу себе

Партијата Вреди обвинува дека врвот на ДУИ институционално го отворил патот за влезот на српската Алта Банка во земјава, по што следува лавина меѓусебни обвинувања меѓу политичките субјекти.

Хронологија и прашања за намерите

Вреди посочува дека на владина седница одржана на 6 јуни 2023 година е дадено согласност Агенцијата за управување со одземен имот да ги продаде акциите во Стопанска банка Битола стекнати со конфискација; на таа седница претседавал Артан Груби. По ова, партијата тврди дека следела низа движења кои упатуваат дека одлуката можеби била дел од подготовка за преземање.

Според обвинувањата, фирмата „АС Сењак“ од Кичево во сопственост на сватот на Али Ахмети, Селаудин Арифи, во октомври 2024 година купила значаен пакет акции во Стопанска банка Битола. Потоа, фирма поврзана со Арифи во јуни 2025 година земала кредит од Алта банка Белград, а „три месеци подоцна, Арифи ѝ ги продава своите акции на Алта банка Белград", стои во обвинувањето.

Саранда Имери-Стафаи од Вреди праша: "Дали уште на 6 јуни 2023 година, кога Артан Груби ја потпишал одлуката за продажба на државните акции во Стопанска банка Битола, во врвот на ДУИ веќе бил направен планот банката да се подготви за преземање од страна на белградската Алта банка?" Вреди побара писмен одговор од надлежните институции.

ДУИ возврати дека ВМРО-ДПМНЕ и Вреди се однесуваат како што вели народната поговорка: "Крадецот вика: држете го крадецот!". Во соопштението партијата додаде и: "Алта Банка е вашето копиле и вашето копиле не можете да го оставите пред туѓа врата".

Фирмата „АС Сењак“ заедно со сопственикот Селаудин Арифи изјави дека не можела и не влијаела за влезот на Алта банка во Македонија, негира дека земала кредит од српската Алта банка и најави тужби.

Конфронтацијата е проширена и меѓу ВМРО-ДПМНЕ и СДСМ. Валентин Манасиевски од ВМРО-ДПМНЕ праша зошто СДСМ била тивка во 2023 година доколку, како денес тврдат, постоеле сомнежи за Алта банка и нејзиниот сопственик Давор Мацура. Тој рече: "Ако денес, за Филипче, Мацура е криминалец, а Алта банка е банка со сомнителен капитал, зошто во 2023 година кога ДУИ спроведувале влез во Македонија, СДС шурувале? – Зошто тогаш Филипче беше тивок, а денес толку гласен? – Одговорот е јасен. Затоа што си ја ишка мувата од капата".

Од друга страна, Маја Серафимовска-Борозан од СДСМ возврати: "Влезот на српската Алта банка и преземањето на Стопанска банка се случија во есента 2025 година со одлука на Мицкоски и неговата власт. Запленетиот пакет беше продаден на Алта банка во јануари 2026 година за околу 375.000 евра. Повторно фатени во лага. Мицкоски ја внесе Вучиќевата Алта банка во Македонија. Трајко Славески му даде дозвола, јавно призна, во консултација со Мицкоски".

Пред две недели Народната банка на Србија ѝ ја одзеде лиценцата на Алта банка Белград, а сопственикот Давор Мацура беше уапсен. Потоа Народната банка на Република Северна Македонија го презеде управувањето со Алта банка Македонија. Политичките обвинувања продолжуваат додека институциите ветуваат писмени одговори и можни правни чекори.

Фото: прес-материјал од настанот

Поврзани написи