Marta Kos: Ndryshimet kushtetuese janë vendimtare — hapja e klasit të parë varet nga Maqedonia e Veriut

Komisionarja e BE-së për Zgjerim, Marta Kos, tha nga Brukseli se Maqedonia e Veriut ka treguar angazhim për zbatimin e axhendës së reformave, por se tani duhet të tregojë të njëjtën vendosmëri për të avancuar drejt anëtarësimit.

“Kushtet janë të qarta, Maqedonia e Veriut duhet të përmbushë detyrimin për të zbatuar ndryshimet kushtetuese, siç është theksuar në konkluzionet e Këshillit më 18 korrik 2022. Komisioni do të vazhdojë ta mbështesë Maqedoninë e Veriut në rrugën e saj evropiane dhe synimi ynë mbetet hapja e klasit të parë sa më shpejt që të plotësohen kushtet. Varet nga Maqedonia e Veriut,” tha Kos nga Brukseli sot.

Deklarata rikthen në vëmendje kërkesën e shprehur në konkluzionet e Këshillit të 18 korrikut 2022, sipas të cilave përparimi në bisedimet e integrimit lidhet me miratimin e ndryshimeve kushtetuese.

Fokusi është te vendimet në Shkup

Kos theksoi se Komisioni është i gatshëm të vijojë mbështetjen, por hapja e klasit të parë negociues — një hap kyç në procesin e anëtarësimit — do të varet nga plotësimi i kushteve të përcaktuara nga Brukseli.

Me këtë, theksi kthehet te vendimet politike brenda Maqedonisë së Veriut: mbështetja institucionale nga Komisioni ekziston, por koha për nisjen e punës formale negociuese do të përcaktohet nga implementimi i ndryshimeve kushtetuese.

Ndërsa Brukseli premton ndihmë të mëtejshme, Maqedonia e Veriut duhet të vendosë nëse do të ndërmarrë hapat që do t’i hapin rrugë fazës tjetër të bisedimeve apo do të mbetet në pritje.

Foto: material shtypi nga ngjarja