Кривичниот совет прифати гаранција од 1.140.781 евра од Перпарим Бајрами

Кривичниот совет во Кривичниот суд Скопје ја прифати гаранцијата за укинување на мерката притвор во предметот „Државна лотарија“ што ја понудил Перпарим Бајрами, првообвинет во обвинителниот предлог.

Бајрами предлогот го поднел на 14 октомври и била понудена гаранција во износ од 1.140.781 евра во недвижен имот за замена на мерката притвор.

Клучни факти

Основното јавно обвинителство Скопје на 13 август поднесе обвинителен предлог против Бајрами за кривичното дело злоупотреба на службената положба и овластување, за кое е предвидена казна затвор до 5 години.

По предлог на надлежното обвинителство, на обвинетиот му беше определена мерка притвор по неговото пронаоѓање и лишување од слобода, бидејќи претходно не му беше достапен на органите на прогонот.

Обвинетиот сам се јави на издржување на мерката притвор во Казнено-поправната установа Затвор Скопје на 9 септември; согласно Законот за кривичната постапка, притворот во конкретниот случај не може да трае подолго од 60 дена, поради што рокот за траење на притворот истекува на 8 ноември.

Фото: СДК.МК)