Мизерни се и одработуваат за власта, вели Венко Филипче за „Разговори за иднината 12:05“

Лидерот на СДСМ, Венко Филипче, ги обвини членовите на платформата „Разговори за иднината 12:05“ дека одработуваат за власта и дека имаат намера да го поделат Социјалдемократскиот сојуз, изјави на прес-конференција.

Филипче рече дека платформа била поканета на разговор и сè уште е поканета, но според него не дојде со цел да преговара, туку со цел да предизвика поделеност и дефокус во партијата.

Изјавите на Филипче

На собраните новинари Филипче им се обратил со обвинувања: „Таа платформа беше повикана и сè уште е, ако сакаат да дојдат да разговараат. Но, тоа не е намерата, затоа што кога имаш намера да разговараш, ќе дојдеш да разговараш, кога имаш намера да го делиш СДСМ, тоа ќе го правиш и тие тоа го прават. Му должат на Христијан Мицкоски. Дојдоа овде да направат дефокус на дента кога Фон дер Лајен дојде во државава и му кажа директно во лице на Христијан Мицкоски дека идентитетот и јазикот се заштитени. Со тоа падна во вода неговата најголема лага изминативе повеќе години. Му требаше некој да направи дефокус. Какво срамно сработување за еден таков предавник".

Додавајќи уште едно директно обвинување, Филипче рече: „Колку треба да се мизерни тие луѓе да одработуваат за ваква предавничка агенда? Нема да им помине, апсолутно. Сите се купени од власта и одработуваат за нивни интереси".

Коментарите на Филипче дојдоа по одржаните предвремени парламентарни избори во Србија, на кои Студентската листа оствари убедлива победа. Од платформата „Разговори за иднината 12:05“ порачале дека резултатот во Србија покажува оти без вистинско обединување на целата опозициска, прогресивна и демократска јавност, тешко може да се победат десничарските популистички влади на Балканот.

Фото: Архива