Охрид на врвот од сезоната — туризмолозите вклучуваат аларм за одржливост

Преполни хотели и апартмани, река од луѓе низ чаршијата, преполни плажи, барови и ресторани — Охрид го живее шпицот на летната сезона. Бројни концерти и културни настани се бараат со карта повеќе додека илјадници посетители го исполнуваат градот покрај Охридското Езеро.

Но зад оваа жива слика туризмолозите предупредуваат дека повторно се отвора познатото прашање: дали ваквиот масовен туризам навистина му годи на македонскиот бисер и како сезоната од едвај 40 дена да се разгранува во сите 12 месеци од годината? Туризмолозите се децидни — квантитетот конечно мора да му отстапи место на квалитетот кон кој инсистираме да тежиме.

Сезоналноста и УНЕСКО

Кепеска подвлекува дека статусот од УНЕСКО е клучен за иднината на градот и дека исполнувањето на добиените препораки мора да биде апсолутен приоритет и за централната и за локалната власт.

Очекувањата се дека Охрид и натаму ќе привлекува илјадници посетители во летните месеци, но предизвикот останува ист. За градот да не „дише на шкрги" само во јули и август, потребна е итна стратегија за развој на алтернативни форми на туризам — од културен и верски, до еколошки и конгресен.

Само со јасен план, подобрена инфраструктура и заштита на природното и културното наследство, Охрид може да прерасне во дестинација која нуди врвна услуга во текот на целата година, наместо сезонски преоптоварен центар.

Фото: прес-материјал од настанот