Ohrid po bëhet luksoz — çmimet mbi €3,000/m² në lokacionet më të kërkuara

Shkupi — sorry: Ohrid mbetet një nga qytetet më të shtrenjta në Maqedoninë e Veriut për blerjen e pasurive të paluajtshme, me kërkesë të qëndrueshme, ndërtim të aktivizuar dhe çmime të larta.

Për një apartament të ri në zonën më të gjerë urbane dhe qendrore çmimet lëvizin nga €1,500 deri në €2,500 për metër katror. Në lokacionet më tërheqëse — në qendrën e ngushtë të qytetit dhe buzë liqenit — çmimet arrijnë dhe e tejkalojnë nivelin prej €3,000 për metër katror, veçanërisht në komplekset luksoze. Apartamentet më të vjetra ofrojnë një variant më të përballueshëm, me çmime deri në €1,200 për metër katror, në varësi të lokacionit dhe gjendjes së objektit.

Kërkesa për apartamente të vogla për turizëm

Më të kërkuarat janë njësitë kompakte dhe funksionale prej 40–50 metra katrorë me një dhomë gjumi, të destinuara për qira turistike. Përveç blerësve nga e gjithë Maqedonia, interes të lartë shfaqin pensionistë nga vendet e Europës Perëndimore, persona që punojnë jashtë dhe diaspora.

E ardhmja e tregut dhe planet e investimeve do të varen në masë të madhe nga statusi i zonës nën mbrojtje të UNESCO-s, i cili mbetet faktor kyç për aktivitetet ndërtimore dhe lejet.

Agjentët e pasurive të paluajtshme parashikojnë se kërkesa për pronë në Ohrid do të mbetet e qëndrueshme në periudhën në vijim, me rritje më të moderuar të çmimeve.

Foto: material shtypi nga ngjarja