Околу 100 македонски компании ќе се претстават на ЕКСПО 2027 во Белград

Околу 100 македонски компании од различни сектори ќе се претстават на ЕКСПО 2027 во Белград, кој ќе се одржи од 15 мај до 15 август 2027 година.

Организаторите истакнуваат дека настанот претставува голема шанса за регионот да ги покаже своите конкурентни предности и да воспостави нови деловни врски, бидејќи ќе присуствуваат дипломатски и бизнис делегации од над 140 земји.

"Пред сè, ЕКСПО во голема мера е една бизнис олимпијада. Ние очекуваме дека во следните 10 години ЕКСПО ќе има влијание врз нашата економија до 9 милијарди и дека во иднина ќе отвори скоро 360.000 работни места во Србија. Од друга страна, кога зборуваме за тоа влијание врз економијата од 9 милијарди, очекуваме дека дел од тие пари ќе се прелеат и во самиот регион" – Данило Јериниќ, генерален директор на „Expo 2027“ Белград.

Очекувања и практична корист за фирмите

Покрај изложбениот дел, ЕКСПО е замислен и како платформа за деловни средби и поврзување меѓу производители, извозници и меѓународни купувачи. За македонските компании, учеството претставува можност за влегување на нови пазари и за нивни директни контакти со потенцијални партнери.

Во видео-материјалот со изјави се појавуваат Данило Јериниќ и Александар Велиновски, комесар на македонскиот павилјон, кои го објаснуваат планот за павилјонот и профилот на учесниците.

Организаторите и македонските претставници велат дека очекуваат дел од економските ефекти од ЕКСПО да се прелеат и во регионот, што би отворило нови извори на извоз и инвестиции за фирмите од соседството.

Фото: прес-материјал од настанот