По четири децении и милиони фрлени: Кичево сè уште чека нова болница
Проектот од 80-тите е заглавен во анализа додека лекари си заминуваат и точни датуми за градба нема.
Изградбата на новиот објект на кичевската болница и натаму нема точен рок за почеток или завршување, па проектот останува во „фаза на анализа“ и покрај тврдењата дека парите се обезбедени.
Граѓаните и здравствените работници во Кичево велат дека, по децении на одложувања, идејата за модерен регионален центар останува недоостварен план. Првите работи и концептот за нов објект датираат од средината и крајот на 80-тите години на минатиот век, а во текот на последните четири децении од буџетот се потрошени милионски суми за обидите за изградба.
Лошо планирање и застарена конструкција
Стручњаците кои ја следеа локацијата укажуваат дека лошото планирање, прекинот во финансирањето и промените во стандардите за болничка градба довеле до тоа проектот да остане на ниво на бетонска „карабиња“. Со времето стана јасно дека постојаниот објект е застарен и не ги исполнува современите технички и медицински барања, поради што дел од претходно вложените средства ќе треба да се отфрлат и да се направи целосно препроектирање.
Паралелно, Кичево се соочува со загрижувачки егзодус на лекари и медицински сестри. Малиот број професионалци што останаа во застарениот објект се преоптоварени додека обидуваат да ги покријат празнините во здравствените услуги. Без нови специјализации, стимулативни услови за млади лекари и системска стратегија за задржување на кадарот, прашањето кој ќе работи во евентуално новиот објект останува отворено.
Постојано претходните министри за здравство најавуваа средства, кредити од меѓународни институции или нови тендери. Новиот министер за здравство Клековски уверува дека оваа власт е посветена ветувањето конечно да се реализира, но конкретниот почеток на теренските работи и крајниот рок за пуштање во употреба сè уште не се прецизно дефинирани.
Локалните власти и здруженијата побаруваат реален временски план и паралелен план за привлекување и задржување персонал, за кога градежните работи конечно ќе почнат да има кој да ја води и да ја обезбеди здравствената услуга во новиот објект.
Фото: прес-материјал од настанот
