Политички пресметки или тајни разговори „зад радарот“?

Партиските лидови повторно си разменуваат обвинувања околу можното водење тајни преговори за деблокада на европскиот пат, додека официјалните појаснувања велат дека дел од дипломатијата мора да остане затворена за јавноста. Опозициската СДСМ тврди дека владата преговара и тајно го прифаќа францускиот предлог, додека ВМРО-ДПМНЕ ги отфрла тие тврдења.

Секретарот за меѓународна соработка на СДСМ, Андреј Жерновски, го нападна министерот и упати низа критики: "После 10 дена му текна да се демантира самиот себе и да каже дека СДСМ лажат. Не он. Откако ја среди состојбата во општина Аеродром, откако ја среди нашата дипломатија, ја среди состојбата во МНР, сега му дале задача да се занимава со домашната политика. И сега ќе се заканува на опозицијата, на граѓаните, дека шират паника."

Од ВМРО-ДПМНЕ возвратија со барање СДСМ да ја објави снимката од наводната изјава и ја сведе реакцијата на повикување на медиумски наслови: "Во однос на министерот за надворешни работи и надворешна трговија Тимчо Муцунски, пак се служи со наслови од медиуми, затоа што не може да најде ниедна изјава, затоа што таква изјава не постои."

Дали постојат разговори „зад радарот“?

Клучното прашање е дали се одвиваат преговори „под радарот“. Во интервју за МИА на 03.08.2026, министерот Тимчо Муцунски изјави дека од формирањето на владата се работи на решение, но деталите не можат да бидат објавувани: "Ние често зборуваме дека разговори има, ние не смееме да ги споделуваме деталите од тие разговори, бидејки ако почнеме да ги споделуваме со јавноста, тогаш ги осудуваме на неуспех."

Потсетувајќи на претходен настап, Муцунски на прес-конференција на 24.07.2026 порача дека јавноста е информирана за средбите каде се бара решение, но не и за поединечните детали: "За сите средби е јавноста информирана, каде што, меѓу другото се зборува за изнаоѓање на решение. Содржината на тие разговори и деталите на тие разговори, секако не ги претставуваме поединечно пред јавноста. Бидејки ако деталите ги претставиме поединечно, тогаш би воделе преговори и разговори пред јавноста и тоа не би довело до никакво решение."

Евроамбасадорот Михалис Рокас исто така рече дека многу работа се прави "зад радарот" за да се одблокира патот кон ЕУ. Во неговиот коментар на 14.07.2026 тој изјави: "Јас навистина се надевам дека работите ќе можат да се придвижат напред. Мислам дека веќе многу работа се прави зад радарот – која што не се гледа, се со цел да може да се завршат работите. Се надевам дека решение ќе може да се најде наскоро."

Додека партиите си ја префрлаат политичката топка и бараат докази кој кажал и кој демантирал, резултати нема — патот кон ЕУ останува блокиран и сè додека нема конкретен напредок, јавниот дискурс ќе се врти околу меѓупартиските тврдења.

Фото: прес-материјал од настанот