Пожарот кај Ногаевци ставен под контрола, Ангелов сомничи подметнување

Пожарот во околината на велешкото село Ногаевци е ставен под контрола од страна на велешките пожарникари, а директорот на Дирекцијата за заштита и спасување, Стојанче Ангелов, изјави дека има сомнежи дека огнот е намерно подметнат и дека полицијата ќе го истражува случајот.

Ангелов појасни дека своите сомнежи ги темели на искази на локалното население.

Во интервенцијата, освен велешките пожарникари и локалното население, беа вклучени и два Ер трактори кои, како што беше наведено, само по еднаш фрлија вода врз едно критично место по барање на командирот на велешката ППЕ.

Влез во боровата шума и ризик

Ангелов објасни дека тие еднократни фрлања на вода им овозможиле на пожарникарите да влезат во боровата шума за да стигнат до жариштето, што ги изложило на одреден ризик.

- Денес Рано наутро ќе продолжи деталното гаснење на овој пожар - изјави Ангелов додавајќи дека нема повредени пожарникари.

Од надлежните беше соопштено и дека пожари се регистрирани и на подрачјето на Скопска Црна Гора, во Матејче и долж реката Лепенец, каде тимовите остануваат вклучени и во следните часови.

Фото: прес-материјал од настанот