Велешанец пријавен за измами со "кубански" вакцини; претходна пријава како претседател на НВО

Велешанец е пријавен за измами поврзани со продажба и аплицирање на т.н. кубански вакцини, а проверките покажуваат дека тој бил пријавуван и порано — како претседател на невладина организација.

Почетната пријава се однесувала на проект што наводно бил финансиран со европски пари преку невладина организација на лица со инвалидитет од Велес. Проектот се реализирал во Охрид и предвидувал парк за лица со инвалидитет, но изведувачите тврдат дека не добиле исплата. Тогаш се споменува сума од 100.000 евра како можно оштетување, но од полицијата нема јасен одговор како завршила таа пријава.

Нови пријави по третманите и смртните случаи

Последните написи објавуваат дека истиот велешанец, идентификуван со иницијалите М.А., е под истрага за тоа што продавал и аплицирал вакцини кои се од Куба и наводно лекуваат рак. Десетици граѓани реагирале дека го пронашле М.А. и за суми кои се движат од 1.500 евра до 3.200 евра и повеќе ја купувале вакцината; многумина велат дека не ја виделе самата вакцина, а ја вбризгувал доставувачот.

По повеќе неуспешни лекувања и смртни случаи стигнале првите пријави во полиција за измама. Министерството за здравство соопшти дека за случајот дознало од медиумските објави.

„Во однос на случајот со кубански вакцини, не сум запознат надвор од медиумските извешати, но морам да кажам дека во Министерството за здравство работиме на повеќе случаи за незаконска употреба на средства и измами и злоупотреби поврзани со тоа“, рече Сашо Клековски – Министер за здравство.

Постови на социјалните мрежи тврдат дека наводните вакцини биле набавувани од Србија и дека пациентите најчесто не ја виделе амбалажата или производителот. Во Србија постојат две компании кои се лиценцирани и соработуваат со кубанскиот производител: белградската VAMA, која на својата веб‑страница наведува присутност на пазарите во земјите од Балканот вклучително и Македонија, и Cuba Medic од Лозница, која посредува и за лекување директно во Куба. Двете фирми, сепак, се посредници меѓу пациентите и кубанскиот производител, а болните се информираат дека треба да поминат низа испитувања пред да ја примат вакцината која се презентира како за запирање на рак на белите дробови. Во Македонија, во регистарот на MALMED, таков лек нема внесено.

До една од српските компании биле испратени прашања, но немале итен одговор бидејќи директорот бил на пат; прашањата биле испратени по електронска пошта.

Напиша: Билјана Николова.

Фото: прес-материјал од настанот