Продолжува судењето за случајот „Онкологија“ против Нино Васев

Во Основниот кривичен суд во Скопје на 26 август 2026 година продолжи судењето за случајот „Онкологија“, кој се води против поранешниот директор на Клиниката за онкологија, Нино Васев, и уште двајца онколози.

Судијка на предметот е Снежана Марковска, а застапник на обвинението е јавната обвинителка Марија Ѓоргева од Јавното обвинителство – Скопје. Обвинетите се Нино Васев, Симонида Црвенкова и Драган Јакимовски, лекари вработени на Клиниката за радиотерапија и онкологија – Скопје.

Вештачењето ги третираше последиците, не изборот на терапија

На претходното рочиште, по предлог на одбраната беше сослушано вешто лице Владимир Даниловски. Даниловски објасни дека предмет на неговата анализа не бил изборот на онколошка терапија туку утврдување на евентуалните последици од применетите медицински постапки.

Како што рече вештакот: "- Предмет на ова вештачење не беше избор на најдобра можна онколошка терапија, туку судско-медицинска постапка на последиците од применето лекување. Мојата задача беше да утврдам дали постои конкретно докажана штета, дали дошло до влошување на здравствената состојба како последица на терапијата, дали терапијата го забрзала фаталниот исход и дали постои медицински докажана причинско-последична врска меѓу конкретна лекарска одлука и конкретна последица - изјави вештакот." Тој исто така нагласи дека кај ваквите случаи не е доволно само да се покаже отстапување од упатствата за дозирање за да се докаже причинско-последичната врска.

Обвинението ги товари лекарите за продолжени тешки дела против здравјето на луѓето и несовесно лекување. Според обвинението, кај вкупно 47 пациенти биле применети неподобни терапии, со отстапувања во дозирањето и без соодветна процена на здравствената состојба. Постапката првично се водеше и против уште еден онколог, Мери Пешевска, која призна вина и судот ја осуди на две години условна казна затвор.

Фото: прес-материјал од настанот