Рочиште против Ѓоло Ристов продолжи без два вештака поради болест

На рочиштето во Кривичниот суд против апелациониот судија Ѓоло Ристов и денеска не се појавија двајцата вештаци, со што судењето повторно беше одложено. Во јануари во семејната куќа во Неготино обвинителката за организиран криминал и корупција пријави дека била ископана непријавена сума од 350.000 евра сместена во ѕид.

Вештачењата не се доставени, одбраната ги повлекува сведоците

Едниот од вештаците, Атанас Козарев, задолжен за анализа на најдената ДНК на ливчињата со пари во ѕидот, бил болен и не дошол на денешното рочиште. За неговата болест била известена адвокатката на Ристов од Кавадарци, која, пак, сама се разболела и не се појавила на судењето; таа требаше да го испрашува вештакот.

Друг вештак исто така не се појави и откако одбраната пренесе дека неговиот извештај не бил завршен, адвокатот Звонко Давидовиќ рече дека тој ќе биде завршен и доставен до судот до четврток.

Првиот вештак ангажиран од одбраната, Емилио Фришчиќ, го презентираше својот дел и тврдеше дека ракописот на ливчињата со пари не е на обвинетиот, на кои, како што беше наведено, била најдена ДНК совпадната со судијата — што тој негира.

Третиот вештак, Антонио Ѓорѓиев, доцнеше со изработката и не дојде на денешното рочиште.

Судијката Билјана Коцевска го критикуваше отсуството: "Несфатливо е како на сите судења доаѓаа и двајцата технички советници Фришчиќ и Ѓорѓиев, а баш денеска кога требаше да се присутни, не се тука. Ова во најмала рака е неодговорно. Судењето нема да пропадне, не смее да пропадне и повелете изведете ги материјалните докази, место презентација на вештачењата и сослушување на вештаците", рече судијката Билјана Коцевска во Кривичниот суд денеска.

По тоа одбраната ги повлече своите сведоци — осудените лекари за корупција Марјан Стоевски и Един Шеапи, како и Љупчо Пецов-Ѓаволот, за кои судот наведува дека постапувал Ристов во Апелациониот суд Скопје. На денешното рочиште, одбраната предложи само неколку материјални докази.

Фото: СДК.МК)