Ружица Милошеска Брчиоска блесна на прославата за Денот на независноста

Ружица Милошеска Брчиоска ги привлече сите погледи на централната прослава за Денот на независноста во Скопје, потсетувајќи зошто „Ареа“ е еден од трајните столбови на домашната рок‑сцена.

Настапот на бендот се прошири низ социјалните мрежи преку низа снимки, дел од кои беа споделени и на официјалната страница на групата. „Чест и задоволство ни беше да настапиме на манифестацијата по повод Денот на независноста на Македонија“, напишаа од бендот на нивната официјална Фејсбук страница.

Безвременски глас и сценска сигурност

Вокалот Ружица, препознатлива по моќниот глас на хитови како „Сите мои слики“, „Нешто недостасува“, „Фреквенција на љубовта“ и „Одведи ме“, се појави во елегантно авангардно црно фустанче со слоевити карнери и чипка, а целосниот изглед го надополни со нејзината темна коса и шишки.

Иако влезе во својата шеста деценија, Ружица го освоие вниманието со витката линија и младешката енергија. Таа неколку пати посочи дека вегетаријанскиот режим, внатрешниот мир и добриот животен баланс се нејзините тајни за добро одржување.

Покрај сценските ангажмани, Ружица ја негува и својата професионална кариера: дипломиран електоинженер и раководител на служба во ЕСМ (ЕЛЕМ). Бендот „Ареа“ — кој го формираше заедно со сопругот Ивица Брчиоски — редовно ги комбинира деловните и семејните обврски со музиката и со сцена им подарува квалитетен македонски рок‑звук.

Фото: прес-материјал од настанот