САД подготвуваат планови за можна употреба на „мајката на сите бомби“ против Иран

Американската војска изготви планови за напади кои предвидуваат можност за употреба на т.н. „мајка на сите бомби“ (MOAB) врз иранската енергетска инфраструктура и нуклеарните постројки. Овие опции би можеле да бидат изведени доколку претседателот Доналд Трамп нареди проширување на борбените дејствија пред или по претстојните среднорочни избори.

Цели и ограничувања

MOAB, најголемото ненуклеарно оружје во американскиот арсенал, би претставувало сериозна ескалација на конфликтот со Иран. Извори запознаени со военото планирање предупредуваат дека иако бомбата има голем површински ефект, веројатно нема да може да продре доволно длабоко за да ги уништи објектите заштитени под земја и затоа може да не ги постигне стратешките цели што ги бара Вашингтон.

Еден функционер изјавил дека Трамп ѝ наредил на војската да разработи дополнителни пакети за удари врз ирански цели кои вклучуваат „голема енергетска инфраструктура“ и потенцијална употреба на MOAB. Според истиот извор, нападите би можеле да бидат изведени „пред повлекувањето на американските сили од зоната на одговорност на Централната команда (CENTCOM)", што сугерира опции кои би можеле да бидат реализирани брзо, по што би следело повлекување.

Во опсегот на разгледуваните цели се наведуваат и иранските нуклеарни објекти, вклучително и локацијата што во документите се спомнува како Пикакс. Воени експерти и сигналите од сојузнички разузнавачки извори ја истакнуваат тешкотијата да се уништат силно заштитени објекти длабоко под земја со бомба чија главна намена е површински ефект.

„Воопшто не е дизајниран како боева глава што продира во утврдувањето.Доколку се користи, MOAB би имал разорно дејство врз погодената област, но веројатно само на површината. Огромниот радиус на експлозија речиси сигурно би предизвикал загриженост за цивилни жртви, особено ако инфраструктуратасе наоѓа во близина на населени области“, рекол третиот извор.

Во Белата куќа постои поделба меѓу советниците: дел ја гледаат можноста за драматичен удар како средство да се промени статус кво без вовлекување во целосна војна, додека други се сомневаат дека таков потег ќе ја смени крајната динамика и стравуваат од дополнителна ескалација. Трамп јавно повремено покажува воздржаност, тврдејќи дека САД имаат „незавршена работа“, но и натаму разгледува опции додека политичкиот притисок се зголемува пред среднорочните избори.

Фото: Веб-страница на американското Министерство за војна