СДСМ: „Алта банка“ интензивно префрлува пари во Македонија по 26 октомври

Портпаролката на СДСМ, Богданска Кузеска, изјави дека партијата располага со информации дека „Алта банка“ од 26 октомври почнала забрзано и интензивно да префрлува големи средства на сметки поврзани со правни лица лоцирани во Москва и во Скопје, по изборите и по падот на Александар Вучиќ. Таа рече дека податоците биле пласирани во српските медиуми и произлегуваат од адвокатот Иван Ниниќ.

„Се потврдува сè што го говоревме.“, рече Кузеска, оценувајќи дека префрлувањата се забрзани и интензивни. Таа додаде дека Ниниќ, кој е член на независна граѓанска анкетна комисија формирана од универзитетски професори и експерти за да ја испита одговорноста за падот на натстрешницата во Нови Сад, посочил на движења на средства кон сметки во Москва и во Скопје.

Според Кузеска, според овие објави, „Алта банка“, која таа ја поврзува со Александар Вучиќ и со СНС — сестринската партија на ВМРО-ДПМНЕ, почнала брзо да префрлува значителни суми во Русија и во Македонија по 26 октомври.

СДСМ бара итна истрага

„Дали ова значи дека црните пари, криминалните пари, на соборениот режим на Вучиќ и СНС, сестринската партија на ВМРО во Србија, се префрлаат во Македонија?“, праша таа и повика надлежните институции да постапат.

Кузеска ги повика Јавното обвинителство да отвори истрага, да го утврди потеклото на парите и да спречи евентуални злоупотреби во Македонија. Таа ја повика и гувернерот на Народната банка, Трајко Славески, да излезе пред граѓаните и да објасни кои мерки ќе преземе.

„Затоа Мицкоски и Трајко Славески дозволија ’Алта банка’ да влезе во Македонија. Банкарот на Вучиќ стана банкар и на Мицкоски во Македонија“, рече Кузеска, додавајќи дека банката е под истрага за сомнително потекло на капитал и дека јавниот обвинител „да не чека повик по телефон, туку да постапи веднаш“.

Фото: прес-материјал од настанот