СДСМ: Со Мицкоски минималната плата не стигнува ниту за храна — 33% од работниците живеат во сиромаштија

СДСМ денеска објави дека предложената минимална плата за време на владеењето на Христијан Мицкоски не ја покрива ниту основната потрошувачка за храна и пијалаци на едно четиричлено семејство. Партијата наведува дека за храна и пијалаци во октомври граѓаните имале потреба од 26.170 денари, а од јануари трошокот за храна и пијалаци пораснал за речиси 2.000 денари.

Во соопштението се посочува дека потрошувачката кошничка е над 70 илјади денари, а со вклучен стан трошоците одат и над 90 илјади денари — ниво што е далеку над досегот на оние што примаат минимална плата.

33% од работниците под прагот на сиромаштија, тврди партијата

СДСМ тврди дека дури и три минимални плати не се доволни за покривање на основните животни трошоци и дека работниците во Македонија соочуваат со едни од најниските приходи во Европа, „едвај враќаат крај со крај”.

Во соопштението партијата наведува: "Од вкупно 540.000 вработени, околу 180.000 работници земаат плати помали од 31.200 денари месечно. 33% од работниците во Македонија земаат плата под прагот на сиромаштијата. Овие луѓе одат на работа, работат, вложуваат труд и немаат доволно за достоинствен живот – буквално живеат во сиромаштија. Наместо да ги зголеми платите арамијата размислува за увоз на економски работници како евтина работна сила. Николовски вели 50.000 економски работници а Мицкоски над 100.000," пишува во соопштението на партијата.

СДСМ повикува на зголемување на платите како мерка за подобрување на животниот стандард, наместо политиките кои, според нив, водат кон увоз на евтина работна сила и дополнително осиромашување на домашните вработени.

Фото: прес-материјал од настанот