СДСМ: Земјоделецот плаќа повеќе, а не добива ништо — Мицкоски гледа кон дата-центри и антимонопол

Државниот завод за статистика ја објави бројката што партијата ја цитира како причина за критика: СДСМ во соопштението истакнува дека во август трошоците за земјоделско производство пораснале додека откупните цени опаднале.

Според податоците наведени од СДСМ, трошоците за производство се зголемиле за 6,8 проценти во август, додека цените за производителите се намалиле за 2,2 проценти. Трошоците за гориво и енергија пораснале за 15,8, за машини за 13,4, а за транспортна опрема за 19,6 проценти. Истовремено, цените за зеленчук паднале за 6,4, за овошје и грозје за 7,2, а за производи од животинско потекло за 7,7 проценти.

Од СДСМ велат дека земјоделците плаќаат повеќе да произведат, а добиваат помалку при откупот, додека цените во продавниците не паднале. Во соопштението се вели: "Разликата ја јаде синџирот. Земјоделецот ја плаќа двапати. Ова не падна од небо. Претседателот Филипче предупреди пред месеци што ќе донесе погрешната политика и намалување субвенции скратени околу 40 милиони евра. Авансната исплата е укината. Зелената нафта доцни. Прагот за помош се качува. Пиперката и грозјето се на понижувачки откуп. Зелката од 25–30 денари падна на 6–8 денари," стои во соопштението.

Партијата додава дека европските пари биле замрзнати откако властите биле фатени како крадат од фондовите и дека задругите останале без поддршка. Во соопштението се наведуваат и конкретни суми за кои СДСМ тврди дека се користат за партиски и бизнис интереси: "Владата има 5,53 милиони за Гета и бизниси од 1,6 милиони да ја цепат опозицијата. Авион за колената на Мицкоски. Дата-центар и антимон за провизија. Ама за оној што ја рани држава – немаат ништо, статистика и молк. ВМРО-ОКГ не води земјоделство. Води плен. Горивото го пуштија да поскапи до плафон, па дојдоа со половина мерка. Само дел од ДДВ и тоа доцна. Акцизата ја оставија," пишува во соопштението.

Побарувања и предупредување

СДСМ потсетува на мерките што, според партијата, ги предлагале уште на почетокот: укинување на акцизата, намалување на ДДВ-то на 5% на енергенси и минимална помош од 600 евра, но тврдат дека владата не презела ништо.

Како заклучок, партијата бара редовна субвенција, авансна исплата, навремена зелена нафта, фер откуп и помош која стигнува до малиот земјоделец, не само до големиот откупувач. "Без тоа оваа есен нема да има берба ниту сеидба туку пресметка на бандата врз грбот што произведува храна," предупредуваат од СДСМ.

Фото: прес-материјал од настанот