Сиљановска-Давкова прими амбасадорот на ОАЕ, ја заблагодари за поканата за Конференцијата за водите

Претседателката Гордана Сиљановска-Давкова вчеравечер го прими амбасадорот на Обединетите Арапски Емирати, со седиште во Рим, Абдула Али Атек Обаид Алсубуси. Заблагодарувајќи се за лично доставената покана за учество на Конференцијата на Обединетите нации за водите, којашто од 8 до 10 декември ќе се одржи во Абу Даби, претседателката ја истакна важноста на одржливото управување со водните ресурси и обезбедувањето пристап до чиста и безбедна вода.

Во текот на средбата, претседателката нагласи дека одржливото управување со водите и универзалниот пристап до безбедна вода остануваат приоритети за јавната политика.

Теми на разговор

Амбасадорот ја запозна претседателката со актуелната состојба во ОАЕ, напорите за мир и стабилизација во регионот, превземените иницијативи и активности, планови и очекувања.

Претседателката најпрво изрази длабоко сочувство по повод смртта на шеик Ахмед бин Рашид Ал Мактум, истакнат член на владејачкото семејство на Дубаи.

Во контекст на настаните на Средниот Исток, таа ја поздрави конструктивната и одговорна улога на ОАЕ во обезбедувањето одржлив мир и стабилност.

Соговорниците ги оценија билатералните односи како одлични и засновани врз взаемно почитување и разбирање.

Фото: прес-материјал од настанот