Сведок на одбраната: велосипедот на Ќука и возилото на Качапор се судрија

На судењето за сообраќајната несреќа во која загина поранешниот директор на Охис Јорго Ќука, денес сведочеше сведок на одбраната на Харис Качапор.

Сведокот: удраот го видов од околу 15 метри

Пешакот Дејан Петров пред судот рече дека на некои 15 метри од него се случил судар помеѓу возилото и велосипедот. Потенцираше дека жртвата била на пешачки премин, качен на велосипед и дека немал кацига на главата.

Петров кажа дека веднаш по несреќата од возилото излегол Качапор, кој го слушнал како на телефон повикува полиција, но дека не се познавал лично со него. Додаде дека отишол откако пристигнала итната помош, па затоа го нема во полицискиот записник како сведок.

На прашање на обвинителката Елена Жакула, сведокот рече дека претходно не го познавал Качапор, но дека прифатил да сведочи бидејќи пријатели кои го познавале му го дале телефонскиот број на обвинетиот и го замолиле да се јави и да ја раскаже случката на суд.

Според обвинувањето, на 3 ноември лани Качапор возел со брзина од 62 км./ч. и на булеварот „Гоце Делчев“ кај крстосницата со „Лазар Личеноски“ со предниот дел од возилото удрил во велосипедот на Ќука, кој починал на лице место. Се прознесе дека обвинетиот „не се чувствува виновен“, а одбраната тврди дека немало умисла.

Фото: прес-материјал од настанот