Tanevski shpalli listën e zgjeruar për ndeshjet me Malin e Zi dhe Suedinë

Trajneri i përfaqësueses së Maqedonisë së Veriut U21, Aleksandar Tanevski, shpalli një listë të zgjeruar lojtarësh para dy ndeshjeve të fundit kualifikuese për Euro 2027. Maqedonia U21 do të luajë me Malin e Zi më 1 tetor në Bitola dhe me Suedinë më 5 tetor në Falkenberg.

Para këtyre ndeshjeve kualifikuese, ekipi U21 do të zhvillojë një miqësore me përfaqësuesen e Rusisë U20 më 28 shtator në qendrën stërvitore “Petar Milosevski” në Shkup. Nga lista e zgjeruar Tanevski do të zgjedh më pas grupin për ndeshjet vendimtare.

Qëllimi sportiv dhe zhvillimi i brezit të ri

Trajneri theksoi se përbërja ka si qëllim arritjen e rezultateve të menjëhershme, por edhe ndërtimin e bazës për gjeneratën e ardhshme, duke i dhënë hapësirë lojtarëve më të rinj.

“Duke pasur parasysh se na presin dy ndeshjet e fundit të ciklit kualifikues, duam t'u japim hapësirë edhe lojtarëve më të rinj, të cilët duhet të jenë pjesë e brezit të ardhshëm U21. Çdo ndeshje për përfaqësuesen duhet të luhet me përgjegjësi maksimale, disiplinë dhe dëshirë për rezultat. Kjo nuk ndryshon pavarësisht rrethanave dhe fazës në të cilën gjendemi.

Në të njëjtën kohë, detyra jonë është të ndërtojmë paralelisht një ekip për të ardhmen. Këto ndeshje janë një mundësi e mirë për të parë në cilët lojtarë mund të mbështetemi në ciklin kualifikues të ardhshëm dhe t'u japim shansin për të fituar përvojë ndërkombëtare. Ne duam të krijojmë një konkurencë të shëndetshme dhe të përgatitim gradualisht gjeneratën e ardhshme për sfidat që vijnë,” deklaroi Tanevski.

Lista e zgjeruar përfshin:

Portierë: Dzekov Ljupche (Sileks), Vrgov Slave (Brera), Dimovski Nathaniel (Pelister), Filevski Nikola (Bregalnica);

Mbrojtës: Radevski Zlatko (Teteks), Tancev Gjorgje (FC Brera), Velkov Andrej (Bregalnica), Cvetkovski Filip (Vardar), Redzep Murati (Malisheva, Kosovë), Atanasovski Luka (Teteks), Murati Adis (Bashkimi), Serafimov Davor (Skopje), Mitrev Mario (Brera);

Mesfushorë: Tasovski Vasil (Mladost Lucani, Serbi), Shabotic Emir (Detonit), Arizankovski Andrej (Shkendija), Nikolovski Teodor (Tikvesh), Angelov Matej (Bregalnica), Maslarov Ilija (Lugano, Zvicër), Tasev Darijan (Bregalnica), Trpevski Luka (Red Star Belgrade, Serbi);

Sulmues: Velichkovski Nikola (Skenderbeu, Shqipëri), Ristovski Stefan (Bashkimi), Manojlov Nikola (Sileks), Danev Dimitar (Vardar), Arifi Salim (Mitrovica, Kosovë), Nikolovski Marko (Ohrid), Ljatifi Admir (Osijek, Kroaci), Mehmed Ariton (Shkendija Aracinovo), Hodzha Ditmir (Leeds, Angli), Kurtishi Muhamed (Rapperswil-Jona, Zvicër), Dzhangarovski Martin (Radnik Surdulica, Serbi), Islamoviq Fadil (Kustosija), Shiriq Ivan (Brera);

Pas tetë ndeshjesh në Grupin E, Maqedonia renditet e 5-ta me 6 pikë. Polonia është në krye me 24 pikë, ndjekur nga Italia me 21, ndërsa Mali i Zi dhe Suedia kanë nga 10 pikë; Armenia është e fundit pa pikë.

Foto: material shtypi nga ngjarja