Теа Таировиќ во болница по итна операција: „Ми пукна крвен сад во стомакот“

Популарната пејачка Теа Таировиќ се огласи од болнички кревет по итна операција и потврди дека била хоспитализирана поради сериозен здравствен инцидент — ѝ пукнал крвен сад во стомакот.

„Драги мои, голем поздрав за сите вас од болничкиот кревет, за жал. Сакам да ве известам дека во некој нареден период нема да се дружиме поради моите здравствени проблеми“ — искажа пејачката, притоа изразувајќи благодарност до фановите за поддршката.

„Ми пукна крвен сад“

Во своето обраќање Таировиќ напомена дека се чувствува подобро и дека успешно се опоравува, а овој настан го опиша како „голема опомена“ која треба да потсетува на потребата од грижа за здравјето.

„Оперирана сум, добро се чувствувам и се надевам дека закрепнувањето ќе ми биде што побрзо. Сакам да кажам дека ова е една голема опомена за мене, а може да биде и порака за некој што го гледа ова дека морате да го слушате своето тело и да водите сметка за него“, напиша пејачката.

Таа објасни дека инцидентот се случил в недела наутро, 25 октомври: „Во недела наутро ми пукна еден крвен сад во стомакот“ и призна дека го игнорирала болниот симптом предолго. Првите здравствени тешкотии, како што наведе, започнале по настапот во Франкфурт.

Таировиќ додаде дека во Франкфурт ја одбила хоспитализацијата: „После концертот во Франкфурт имав стомак полн со крв, дури и одбив да бидам хоспитализирана таму верувајќи дека сум во ред. Се вратив во Белград, оперирана сум и сигурно е подобро така.“ Во заклучок таа изрази жалење и надеж за брзо закрепнување за да се врати на бината која ѝ значи многу.

Фото: прес-материјал од настанот