Tea Tairović në spital pas operacionit emergjent: "Më shpërtheu një enë gjaku në stomak"

Këngëtarja e njohur Tea Tairović njoftoi nga shtrati i spitalit se i është bërë një operacion emergjent pasi i shpërtheu një enë gjaku në stomak, dhe tha se do të pezullojë shfaqjet derisa të shërohet.

"Të dashurit e mi, përshëndetje të ngrohta për të gjithë ju nga shtrati i spitalit, fatkeqësisht. Dua t'ju njoftoj se për një periudhë nuk do të jemi së bashku për shkak të problemeve të mia shëndetësore," shkroi ajo, duke falënderuar ndjekësit për mbështetjen.

"Më shpërtheu një enë gjaku"

Ajo tha se ndihet më mirë dhe po rikuperohet, por e përshkroi përvojën si një paralajmërim dhe i bëri thirrje njerëzve që të dëgjojnë trupin e tyre.

"Jam operuar, ndihem mirë dhe shpresoj që rikuperimi të jetë sa më i shpejtë. Dua të them që kjo është një paralajmërim i madh për mua, dhe mund të jetë një mesazh për dikë që po e sheh këtë që duhet të dëgjoni trupin tuaj dhe të kujdeseni për të," shkroi ajo.

Ajo zbuloi shkakun dhe kohën: të dielën në mëngjes, më 25 tetor, "më shpërtheu një enë gjaku në stomak", dhe pranoi se kishte injoruar dhimbjen më parë. Simptomat e para, tha ajo, filluan pas koncertit në Frankfurt.

Ajo shtoi se kishte refuzuar hospitalizimin në Frankfurt duke besuar se ishte mirë, dhe u operua pasi u kthye në Beograd. "Pas koncertit në Frankfurt stomakun e kisha plot me gjak, madje refuzova të hospitalizohem atje duke besuar se jam mirë. U ktheva në Beograd, jam operuar dhe sigurt është më mirë kështu," përfundoi ajo, duke shprehur shpresën për rikuperim të shpejtë dhe premtimin për t'u kthyer në skenë.

Foto: material shtypi nga ngjarja