Топло и сончево, од утре попладне на места пороен дожд и невреме

Денеска ќе владее сончево и топло време со слаб до умерен ветер од југоисточен правец. Минималните температури ќе се движат од 8 до 19, а максималните ќе достигнат од 30 до 36 степени.

Во Скопје ќе дува слаб до умерен ветер од јужен правец, со утринска температура околу 13 степени и дневен максимум до 36 степени.

Утре и задутре претпладне се очекува претежно сончево и топло со мала до умерена локална облачност, но попладне на поединечни места се најавува пороен дожд и грмежи, проследени со засилен ветер.

Местимици услови за невреме

"- Заради големата енергија во атмосферата локално процесите ќе бидат во форма на невреме со интензивен пороен дожд, силен ветер и појава на град, предупредува Управата за хидрометеоролошки работи."

До крајот на оваа седмица се очекуваат услови за локална нестабилност во повеќе области, проследена со пороен дожд, грмежи и засилен ветер. Граѓаните кои се наоѓаат во изложени подрачја треба да бидат внимателни при ненадејни промени на временските услови, особено во попладневните часови.

Фото: прес-материјал од настанот