Трамп: „е можен“ мировен договор со Иран
Американскиот претседател рече дека Иран сака да стави крај на војната што почна со нападите врз Техеран на 28 февруари.
Претседателот на САД, Доналд Трамп, денеска изјави дека Иран сака да склучи договор за крај на војната и дека тој договор „е можен".
Трамп не даде дополнителни детали, но ги поврза очекувањата за решение со нападите на САД и Израел врз Техеран на 28 февруари, кои го означија почетокот на конфликтот.
Катараска посредничка делегација отпатувала за Техеран за разговори со министерот за надворешни работи, Абас Арагчи, околу можен договор со Вашингтон, соопштија официјални претставници.
Разговори и нацрт‑договор
Според информации на официјален извор, се разгледува варијанта на нацрт‑договор за кој се воделе разговори во последните 8 дена.
Потпретседателот на САД, Џеј Ди Венс, рече дека тој и претседателот се „прилично оптимистични" во поглед на перспективите за постигнување договор. "Водевме неколку конструктивни разговори со Иранците – изјави Венс истакнувајќи дека претходно разговарал и со Трамп."
Венс додаде: "И претседателот и јас сме прилично оптимистични во врска со перспективите за евентуално постигнување договорена спогодба", без да наведе конкретна временска рамка.
Фото: прес-материјал од настанот
