Зоран Герасимовски избран за в.д. претседател на Апелациониот суд

Судскиот совет го избра поранешниот колега Зоран Герасимовски за в.д. претседател на Апелациониот суд, откако досегашната претседателка Мери Дика беше избрана за судија во Уставниот суд од страна на Собранието.

Гласањето се одржа на седница на Советот при што тројца членови се вклучија онлајн преку телефонот на претседателот Камбовски поради нивно отсуство од Скопје. Како противкандидат се појави судијката Тања Милева, која според бодовите е највисоко рангирана, со 197 бодови, но за неа гласаа само Антоанета Димовска (која ја предложи) и Сузана Јошевска.

На седницата беше забележан краток дијалог пред гласањето:

"Одиме со предлогот на судија Ивица Николовски, колешке Антоанета? Против, јас веќе имав образложение, судија Џенета? Да, предлогот за Зоран Герасимовски ЗА."

Образложенија и реакции

Антоанета Димовска го образложи изборот со потсетување дека Герасимовски се повлекол од Судскиот совет во тешка фаза за институцијата, додека Сузана Јошевска го истакна бодувањето меѓу кандидатите:

"Зоран Ѓерасимовски, всушност и си отиде од Судскиот совет кога беше најтешко, па сега можеме и тоа да го цениме, вели Антоанета Димовска – член на Судски совет ."

"Судијата Тања Милева е највисоко бодувана. Со 197 бодови. Останатите што имаат над нејзе се или пензионирани или во Врховниот суд, вели Сузана Јошевска Анастасовска, член на Судски совет."

Ивица Николовски, кој го предложи Герасимовски, и членови кои го поддржаа неговиот избор, нагласија дека се работи за судија со долга судиска кариера и претходно место на заменик во Апелациониот суд. Како што рече Николовски:

"Последната година, овој колега беше член на Судски совет. И покрај што за три години, сепак може да констатираме ако ги гледаме бодовите дека има еден квалитет. Што и со една година не земени во предвид резултати од работа, сепак е високо бодиран, изјави И вица Николовски – Член на судски совет"

Џенета Бектовиќ додаде дека претходните колеги веќе соработувале со Герасимовски и дека тој поседува менаџерски способности и искуство во граѓанскиот оддел:

"Претходните колеги од Судскиот совет веќе соработувале со Зоран Герасимовски, судијата има и одлични менаџерски способности и особено околноста што судијата Зоран Герасимовски е судија во граѓанскиот оддел, изјави Џенета Бектовиќ – член на судски совет."

Уставниот суд соопшти дека Мери Дика веќе почнала да работи откако мнозинството во Собранието вчера ја изгласа за судија на Уставниот суд. Во извештаите се нагласуваше дека Дика била сведок во процесот „Рекет“ против поранешната обвинителка во СЈО Катица Јанева и Бојан Јовановски (Боки 13); исто така беше споменато дека нејзината сестра, Агапи Дика, била претседател на невладината поврзана со Јовановски и исто така сведочела во процесот.

По одлуката, Судскиот совет веднаш објави оглас за испразнетото место претседател на Апелациониот суд.

Фото: прес-материјал од настанот