ЦУК: До 18 часот регистрирани 15 пожари на отворен простор — два се активни

Центарот за управување со кризи (ЦУК) соопшти дека до 18:00 часот денеска се регистрирани вкупно 15 пожари на отворен простор: два се активни, еден е под контрола, а 12 се изгаснати.

Еден од активните пожари е на територијата на Општина Македонски Брод, во месноста Видуш, во близина на селото Драгов Дол, каде што гори ниска вегетација, нискостеблеста шума и грмушки. Вториот активен пожар е на планината Огражден во Општина Ново Село, кај селото Ново Село, каде што гори депонија, мешана деградирана шума и ниска вегетација.

Пожарот на градската депонија во Општина Делчево се држи под контрола.

Изгаснати пожари

• Општина Виница – с. Блатец (ниска вегетација);
• Општина Штип – населба Света Петка (ниска вегетација);
• Општина Центар Жупа – с. Горенци (депонија);
• Општина Кичево – с. Бачинци (ѓубре);
• Општина Лозово – непосредно до пречистителната станица за вода (ѓубре);
• Општина Куманово – населба Средорек (ѓубре);
• Општина Брвеница – с. Милетино (шумски пожар);
• Општина Желино – с. Долна Лешница (ниска вегетација);
• Општина Теарце – с. Слатина (ниска вегетација);
• Општина Врапчиште – с. Врапчиште, кај ресторанот Чифлик (ниска вегетација);
• Општина Гази Баба – с. Трубарево (ниска вегетација и ѓубре);
• Општина Сарај – с. Долно Свиларе (мешана шума и ниска вегетација).

Во врска со времето, од УХМР велат: „Јули годинава беше просечно топол и просечно врнежлив.“

Фото: ДЗС (Илустрација – архива)