Ѕвездите на Гранд воведуваат нов систем на гласање – Цеца го повлече гласот за Тамара

Нова сезона на „Ѕвездите на Гранд“ стартуваше со целосно променет систем на гласање, кој значително ќе влијае врз патот на кандидатите кон менторите и натамошните фази од натпреварот. Водителот Воја Недељковиќ и директорот на продукцијата, Горан Шљивиќ, ги објаснија новите правила пред публиката.

Нови прагови и последици

Кандидатите што ќе освојат 7 или 8 гласа се пласираат директно во вториот круг и добиваат привилегија сами да си го изберат менторот. Осмиот глас го доделува продукцијата по сопствена проценка. Ониe со 5 или 6 гласа продолжуваат, но ја губат правото да си изберат ментор – за нив одлучува продукцијата.

Кандидатите со по 1 до 4 гласа добиваат уште една шанса преку бараж-рундата. Доколку не добијат ниту еден глас или кај нив се активира паник-тастерот, нивното учество во шоуто завршува веднаш.

Жирито доби дополнителни опции: членот на жирито може да гласа, да не гласа, но и да го повлече веќе дадениот глас доколку не сака да соработува со одреден кандидат. Во составот на стручното жири се појави и пејачката Сања Вучиќ на местото на Ана Бекута, внесувајќи нова енергија во емисијата.

Во првата емисија Тамара Волческа од Гостивар ги воодушеви оценувачите со моќен настап и доби пофални критики, но и покрај тоа што освои шест гласа не можеше сама да го избере менторот. Цеца го повлече својот глас за да не влезе во соработка со неа и да дозволи колегите од тој жанр да одлучат.

На крајот Горан Шљивиќ ја донесе конечната одлука и му ја додели менторската улога на Александар Милиќ – Мили.

Фото: прес-материјал од настанот