„Ертрактори“ го гаснат пожарот кај Сопиште

На територијата на општина Сопиште, зад Водно, се активирани т.н. „ертрактори“ на Дирекцијата за заштита и спасување (ДЗС) кои учествуваат во гаснењето на пожарот.

Од ДЗС информираа дека огнот се шири од јужната страна на планината. Претходно избувнатиот пожар над селото Чифлик е ставен под контрола и е направен обрач за да се заштити шумата.

Потребна е воздушна интервенција поради теренот

Градоначалникот Јане Мицевски рече: "активен е мал дел надвор од селото во правец према Водно, но за гаснење ќе мора да се интервенира воздушно, оти зафатен е стрмен терен."

Во гаснењето на огнот учествуваат и скопските пожарникари, заедно со ДЗС, доброволни друштва и локалното население. Објектите во Чифлик се надвор од опасност.

Екипите и натаму го следат теренот и интервенираат по потреба за да го спречат проширувањето и да го изгаснат остатокот од жариштата.

Фото: прес-материјал од настанот