НЕ МОЖЕ ТЕПАЊЕТО ДЕЦА ДА СЕ СВЕДЕ НА „НАВИВАЧКИ КОНФЛИКТ“, РЕАГИРА РОДИТЕЛ ОД ТЕТОВО ПО СОСТАНОКОТ КАЈ КАСАМИ

Не стивнуваат реакциите на родители од Тетово по серија напади и вербално малтретирање врз нивните деца од страна на групи малолетници од околу 13–14 години. Родителите тврдат дека насилниците ги фаќале децата за гуша, им ги соблекувале јакните за да видат дали носат маици со обележја на навивачки групи поврзани со ФК „Тетекс“ и „Војводи“, и сето тоа го снимале и објавувале на Тикток.

Градоначалникот на Општина Тетово, Билал Касами, одржа состанок со општинското раководство и со претставници од СВР Тетово, Советот за превенција од малолетничка деликвенција, Центарот за социјални работи – Тетово и директорите на сите основни и средни училишта во општината. На состанокот не беа повикани ниту родителите на малтретираните деца, ниту новинарите.

Учесниците на состанокот заклучиле дека во инцидентите биле инволвирани малолетни навивачи на два фудбалски клуба од Тетово. Тие процениле дека безбедносната состојба во градот е стабилна и дека не станува збор за меѓуетнички тензии, туку за изолирани меѓунавивачки конфликти, какви што, според нив, имало и во други градови во државата.

Реакција од родител чиј син бил нападнат

На овие заклучоци реагира тетовецот Дарко Гавроски, чие дете, како што велат родителите, било нападнато и малтретирано од група малолетни насилници. Тој категорично пoдржува дека „НЕ МОЖЕ ТЕПАЊЕТО ДЕЦА ДА СЕ СВЕДЕ НА „НАВИВАЧКИ КОНФЛИКТ““ и бара интензивни мерки од институциите за да се заштитат жртвите и да се казнат сторителите.

Родителите од Тетово очекуваат конкретни чекори од општината и полицијата за да се спречат натамошни напади и ширење на снимки со кои се понижуваат децата. Додека од властите доаѓа оценка дека се работи за локализирани навивачки конфликти, засегнатите семејства велат дека децата претрпеле повторно малтретирање и јавна пониженост.

Фото: Фејсбук)