„Никој не ви се плаши, ви се смеат луѓето“ — Филипче за заканите со затвор и тендерот од 20 милиони евра

Лидерот на СДСМ Венко Филипче во Собранието остро одговори на реториката на премиерот Христијан Мицкоски, оценувајќи дека заканите со затвор станале единствен одговор на власта на критиките. „Се заканувате тука од говорница со затвори, со решетки. Верувајте, никој не ви се плаши. Ама никој не ви се плаши. Смешни сте — ви се смеат луѓето. Не ви доликува на функцијата којашто ја извршувате“, порача Филипче.

Тој потсети дека последниот извештај на Европскиот парламент за земјата е „еден од најлошите досега“, со наоди за лошо справување со корупцијата и директно влијание на власта врз независното судство. „И вие немате никаква реакција на тоа. Напротив, продолжувате со партизација на судовите“, рече тој, додавајќи дека на лошата перцепција кај високите европски функционери влијае токму односот на премиерот.

Најтешката обвинување Филипче ја врзa за новиот предлог-закон на владата: „Вчера предлагате закон со којшто сакате да потрошите 20 милиони евра заобиколувајќи ги сите системски закони во државата за јавни набавки. Па добро, што е целта? Што сакате да постигнете? Каква е таа европска практика? Никаква. Ваша — на оваа власт којашто се занимава само со коруптивни тендери од почетокот на владеењето.“

Тој обелодени и дека прашањето за унгарскиот заем се отвора надвор од земјата: „Излезе во јавноста — не од кај нас, повторно од Европа, од Унгарија — дека ќе се испитува унгарскиот заем.“

Во контекст на економската состојба, Филипче посочи дека даноците и трошоците растат, а „платите стагнираат — луѓето се на раб на егзистенцијата“.

Фото: СДСМ / видео запис од Собранието